Qusar rayon mərkəzindən Laza kəndinə və “Suvar” pansionatına getməkdən ötrü çətin yolları keçmək üçün “Niva” avtomobilindən istifadə etmək olar. Avtomobilin sifariş ediliməsi (bütün avtomobil nəzərdə tutulur) –30$. Bunun üçün “Suvar” pansionatının meneceri ilə əvvəlcədən telefon ilə əlaqə saxlamaq lazımdır. Qusar rayon mərkəzindən Laza kəndinə, ora gedən transportla və ya avtovağzaldan avtomobil tutmaq olar (qiymətlər razılaşma yolu ilə).
 

XRONOMETRAJ

Marşurut: Qusar ş. – Laza kəndi.
Məsafə: 42 km; vaxtla -1 saat 46 dəq

№	Marşurutun keçdiyi ərazilər	Məsafə (km)	Vaxt (dəq)	Qeyd
1	Qusar şəhəri – Qusar çay üzərində körpü	20	30	Qusar şəhərindən yol. Qusar çayın sağ sahili ilə gedir və Qusardan üzərinsdə olan körpüyə düşür
2	Qusar çay üzərində körpü – yol ayırıcısı; Anıx-Laza	2	2	Yol ayırıcısı; düz yol Laza kəndinə, sola-Anıx kəndinə. Anıx kəndinin səmti (oriyentir)- gümbəzli məsçid.
3	Yol ayırıcısı; Laza-Anıx – Zindan-Murux kəndi	3	5	Yol Qusar çayın sol sahili ilə gedir və Zindan-Murux kəndindən çayı keçir.
4	Zindan-Murux kəndi – yol ayırıcısı;Laza-Quzun	3	4	Zindan-Murux kəndinin yan hissəsindən dərhal Laza-Quzun kəndlərinə qədər dik yoxuş başlayır.
5	Yol ayırıcısı;Laza-Quzun – Təzəkənd kəndi	1	5	Laza-Quzun yol ayırıcısından Lazaya gedən yol dərhal sola yoxuşa dönərək, Təzəkənd ərazisinə düzən sahəyə çıxır.
6	Təzəkənd kəndi – dik eniş,Laza kəndinə;	7	20	Təzəkənd kəndində yol ayırıcısı var. Laza kəndənə gedən yol dərhal sağ yola dönür, növbəti yol dağ döşünə dik yoxuşla qalxır.
7	Laza kəndinə eniş – Laza kəndi	4	10	Sərt eniş başlayır.yolun sağ tərəfi kəskin qaya parçaları, oradan sola gözlənilməyən döngə və kəskin daşqalaqlı yolla kəndə düşür. Yoldan sola qayalıqlardan müxtəlif ölçülü (150m-ə qədər) şəlalələr axır, yolun solunda bulaq var.
8	Laza kəndi – “Suvar” pansionatı	1,5	10	Laza kəndindən yola Qusar çay dərəsinin sol tərəfi ilə dik yoxuş və “Suvar” pansionatını yerləşdiyi maili düzə çıxırsan.

Qusar şəhərindən Laza kəndinə və “Suvar” pansionatına yol, Zindan-Murux kəndindən Təzəkənd kəndinə qədər olan yol istisna olmaqla, çınqıllı və daşlıdır.

LAZAYA İKİ GÜNLÜK TURUN PROQRAMI  

l Gün

- Günün birinci yarısı: Bakıdan çıxış; marşrut boyu qədim Şabran şəhərinin xarabalıqlarına baxış; Qusara gəliş və ekskursiya; Nahar yeməyi.
- Günün ikinci yarısı: Qusardan çıxış; yol boyu təbii mənzərələrin seyri, ecazkar dağ şəlalələrinə baxış; Lazaya gəliş və yerləşmə (yerləşmə kənd evlərində və ya “Suvar” istirahət mərkəzinin kotteclərində mümkündür). Kəndin məişət həyatı və etnoqrafiyası ilə tanışlıq; Yerli mətbəxdən ibarət şam yeməyi.

ll Gün

- Günün birinci yarısı: Səhər yeməyi; Kənd ətrafında və “Suvar” istirahət mərkəzi istiqamətində ekskursiya, “Çar” mağarasına baxış, təbiət qoynunda istirahət; nahar yeməyi.
- Günün ikinci yarısı: Bakıya qayıdış.

Nəzərə alınmalıdır ki, Qusardan Lazaya gedən yol yalnız yüksək keçidli avtomobillərlə keçilə bilər.